बड़ा-बड़ा डाळा सब खौळ्यां छन ***Grhwali Poetry/Garhwali Gajal wrote by Payash Pokhara

उत्तराखंड की लगूली

· Pauri, India  · 

#गढवालिम_गज़ल

गज़ल
***

बड़ा-बड़ा डाळा सब खौळ्यां छन ।
अरे ! अब नै-नै बुझ्या मौळ्यां छन ।।

जिंदगि खुणै यो कन घंघतोळ हुयूं ।
झूट सच द्विया का द्वि जौळ्यां छन ।।

दवै च कि दारु यख हवा पाणि मा ।
मवार मनखि औळ्यां-बौळ्यां छन ।।

बौंळि बिटेणिं जख भयूंम दिनरात ।
घर गौं मा हुयां रौळ्यां-पौळ्यां छन ।।

कठ्ठा रैणा को ढब अब कख रै ग्या ।
चर्यौ का बियां सि सब फौळ्यां छन ।।

बाघ जन दिखेणु जो गौं-गुठ्यार मा ।
नंग चूंडकै वैका दांत निखौळ्यां छन ।।

जन जागर लगैला उनि द्यप्ता नचैला ।
'पयाश' सबि ढौळेरु का ढौळ्या छन ।।

©® पयाश पोखड़ा
पौड़ी गढ़वाळ उत्तराखंड भारत
#uklaguli #instgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #पयाश #posts #poet #indian #Poetry #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— feeling thankful at