द्ययेखि जखे हालातों पर आज फिर यु रुवंणों ऐगी/Poetry Wrote By Gharwali Poet Ravindra Rawat(RRR)

 

उत्तराखंड की लगूली

nodSsoteprc1htmf4im7u7git7gu54f711493mfc3am2mlf87cc5ccu82m07  · Pauri, India  · 

#गढ़वळिम_रचना
द्ययेखि जखे हालातों पर आज फिर यु रुवंणों ऐगी

द्ययेखि जखे हालातों पर आज फिर यु रुवंणों ऐगी
उठा जागा म्यरा पहाड़ियों अब जागंणों को वक़्त ऐगी,,
पाणी बिकी गे,माटू बिकी गे, ढुंगु जखो बिकती रैगी,,
बिराणा बसी व्हियाँ मालदार रैबासी जखा बिराणा व्हैगी
उठा जागा म्यरा पहाड़ियों अब जागंणों को वक़्त ऐगी,,

भू काननू ल्योंण मां हम्म जांणी क्ये गूंगा बंणी रैगी,
यन्नी स्वेची हमुन क्या यु अलग राज्य तबारी जु माँगी रैगी
रोजगार अर विकास जखो राजनीति जोंल्ळी सदानी रैगी,
उठा जागा म्यरा पहाड़ियों अब जागंणों को वक़्त ऐगी,,

गों का गों खाली व्हियाँ छंन्न मनखी तखो शहरों गैगी,,
बणीयाँ 23 सालों माँ भी त्वे तैं बाटू यन्नी खुजिये रैगी,,
बैंणी बेटियों की इज्जत लूटेंणी तोंका अफ़ड़ा दिखदी रैगी
बोली जैन तोंका बारा मां तैकी अफ्फु समस्या खडी व्हेगी
उठा जागा म्यरा पहाड़ियों अब जागंणों को वक़्त ऐगी,,

गोँ-गोँ माँ भी विकासो अब कुछ नेता लोग यन्नी व्हेगी
जरा विकासो बुव्ला कैकु द्ययेखी जांणीअंणसुणीयाँ रैगी
बाटा-गाटा सदानी सिछन्न तों बाटों के ही काम रैगी
करी 5साल पूरा जोंन तों टालों तैं ही विकास बतोंदी रैगी
उठा जागा म्यरा पहाड़ियों अब जागंणों को वक़्त ऐगी,,

सड़की बंणनि जख स्वार्थों मां वोट बैंक बढोंणीयाँ व्हैगी
अंण द्ययोखु करी कै सड़कियों कै तंयी बाना जोंळी व्हैगी
स्कूलों की छुईं क्य लांण जखा प्राइवेट स्कूल कैह खुलीगी
अफ़ड़ा छुवरा प्राइवेट पढ़ोंणा जनता तैं सरकारी ही रैगी,,
उठा जागा म्यरा पहाड़ियों अब जागंणों को वक़्त ऐगी,,

राशन जख युनिटों पर मिल्दी थे तैं मां ठगोंदी गैगी
कुछों तैं यूनिट व्हियों जख अर कुछ कार्ड जोंल्ळी रैगी
पाणी रुवेकी,जमीन त्वेड़ी जख कै बांध बंणोंदी गैगी
हमारी जमीन मां हमारू पाणी बंणी बिजली हम्मु महँगी व्हैगी
उठा जागा म्यरा पहाड़ियों अब जागंणों को वक़्त ऐगी,,

जय श्री राधे, जय वासुदेव
आपका अनुज
राधे रविन्द्र रावत (RRR)
रुद्रप्रयाग जखोली विकास खण्ड का सुदूरवर्ती क्षेत्र पट्टी
बाँगर कु मुन्याँघर रैबाशी
..........
#blogger #उत्तराखंड #facebook #intgram #reel #twitter #uklaguli #youtube #poem #post #gharwal #utterakhand #राधे_रविन्द्र_रावत #उत्तराखंड_लगूलि #posts #poet #hindipoem #worlpoetry #indian #Poetry #utter #india #poems #gharwali #instagram #Youtube #facebookpost #uttrakhand 

See less

— feeling blessed at उत्तराखंड की लगूली.