हमारु उत्तराखण्ड ***Wrote By Gharwali Poet Ramchandra Nautiyal

 

उत्तराखंड की लगूली

बालकृष्ण डी. ध्यानी ने प्रकाशित किया  · 22 मिनट  · Pauri, उत्तराखण्ड, भारत  · 

#गढवालिम_कविता
हमारु उत्तराखण्ड
============
भारत माँ कु शीष हिमालय अखण्ड
कतना प्यारू कतना स्वाणू हमारू उत्तराखण्ड
गंगा यमुना कु उद्गम
बद्री विशाल की ज्योति अखण्ड
कतना प्यारू कतना स्वाणू हमारू उत्तराखण्ड

रवाईं जौनपुर जौनसार सलाण कुमाऊँ
भावर की संस्कृति अखण्ड
कतना प्यारू कतना स्वाणू हमारू उत्तराखण्ड

रवाईं तिलाड़ी काण्ड
श्रीदेव सुमन कु त्याग और
बलिदान की संघर्ष गाथा
ऊंचू करौन्दि जु उत्तराखण्ड कु माथा
मोलू भरदारी जीतू बगड्वाल की गाथा

तीलू रौतेली,रामी बौराणी
कु त्याग और बलिदान,
जु छन हमारा उत्तराखण्ड की शान
भारत माँ कु शीष हिमालय अखण्ड
कतना प्यारु कतना स्वाणू हमारु उत्तराखण्ड

अनुसूइया बहुगुणा,पाण्डे बद्रीदत्त
गढ़-कूर्मांचल केसरी ह्वेन
मौलाराम गढ़वाली चित्रकार
यी छन भारत मां तैं उत्तराखण्ड का उपहार
भारत मां कू शीष हिमालय अखण्ड.
कतना प्यारु कतना स्वाणु हमारू उत्तराखण्ड

वीर चन्द्र चन्द्र सिंह गढ़वाली
माधो सिंह भण्डारी, कफू चौहान,
गबर सिंह, रानी कर्णावती,
जन भड़ ह्वेन;
उत्तराखण्ड कु स्वाभिमान,
मस्तक ऊंचू करि जौन
भारत माँ कु शीष हिमालय अखण्ड
कतना प्यारू करना स्वाणू हमारु उत्तराखण्ड

गंगोत्री ,यमुनोत्री, बद्री केदार,
सेम नागराजा पांचों धाम
लेन्दा जौकु नाम सुबेर शाम
जैसि पड़ि उत्तराखण्ड कु देवभूमि नाम
भारत माँ कु शीष हिमालय अखण्ड
कतना प्यारु कतना स्वाणु हमारु उत्तराखण्ड

उत्तरकाशी माँ विश्वनाथ बिराजदू,
पहाड़ों की रानी मसूरी
द्रोणनगरी देहरादून
धन्य छन हम लोग
देवभूमि उत्तराखण्ड म जन्म पायू जून

महासू देवा शिवावतार
लाखामण्डल पाण्डवों की गाथा
परशुराम की जन्मस्थली कर्मभूमि
ऋषि जमदग्नि की तपस्थली
मां रेणुका कु वास छन उत्तराखण्ड

भारत माँ कु शीष हिमालय अखण्ड
कतना प्यारु कतना स्वाणु हमारु उत्तराखण्ड

पंच बदरी, पंच केदार, पंच प्रयाग
,बावन गढ़ों की भूमि उत्तराखण्ड कतना प्यारू,
कतनास्वाणु हमारुउत्तराखण्ड,

रामचन्द्र नौटियाल
ग्राम जिब्या पट्टी दशगी
जनपद -उत्तरकाशी
उत्तराखण्ड
Ramchandranautiyal123@gmail.com

#रामचन्द्र_नौटियाल #पौड़ी_गढ़वाल #टेहरिगढ़वाल #कुमांऊ #uklaguli #posts #poet #kumaoni #worlpoetry #indian #Poetry #दशगी #india #gharwalipoems #video #poems #Ghrwali #gharwali #instagram #Youtube #facebookpost #uttrakhand #उत्तराखण्ड #जिब्या
#उत्तरकाशी 

कम देखें

— उत्तराखंड की लगूली में भाग्‍यशाली महसूस कर रहे हैं