हिन्दी । गढ़वाली ।
। गजल । अन्य । कवि । कवयित्री । लेख ।
उत्तराखंड देवभूमि I अनछुई सी तृप्ति I ढुंगा - गारा I आखर - उत्तराखंड शब्दकोश I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें ।
"अपणा गौं मा"
भैजी हम त रै ग्यवां यखुल्या-यखुलि,
अपणा गौं मा ।
भैजी अब नि चुच्यादां चखुला-चखुलि,
अपणा गौं मा ॥
नन्ना-तिना छोरि-छ्वारा कख हर्चि गैन ।
भैजी अब त नि पैरादां हंसुलि-धगुलि,
अपणा गौं मा ॥
न घुंघर्यळि लटुली न खरड़ि मुण्डळि ।
भैजी अब नि सबरादां ट्वप्लि-झगुलि,
अपणा गौं मा ॥
स्वाळा लगड़ा तस्मैं न निरपणि की खीर ।
भैजी अब त नि फरकादां परात-थकुलि,
अपणा गौं मा ॥
ब्योल्यूं कि टौखणि अब कतै नि सुणेंदि ।
भैजी अब नि झलकांदा बुलाक-नथुलि,
अपणा गौं मा ॥
रात प्वणि दीन-द्वफिरि रीति कूड़्यूं मा ।
भैजी अब त नि जगादां छिल्ला-बतुलि,
अपणा गौं मा ॥
©® पयाश पोखड़ा
संदेश
0 टिप्पणियाँ