बसंत

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

 बसंत

मौळयार डाळी बूटियुं मां लाई बसंत,

अळसु सी लगणु ले अंगड़ाई बसंत।

उकताट किलै? कैकी खुद झुराणी?

हे देव ! कैकी खुद मां बणाई बसंत ।

न रुणझुण बरखा न डांडियुं कुएड़ी,

बिगरैली माया न झणी रुझाई बसंत।

डबखणी प्राणी कस्तूरी की खोज ,

अपणी ही सुधबुध बिसराई बसंत।

घौर हो बौंण या पुंगड्युँ का छ्वाड़,

 माया मां सब्युँ थै अळझाई बसंत ।

सिंदूरी पिंगळवात फौंक्युं फौंक्युं मां,

आँख्युं बिटि जिकुड़ी समाई बसंत।

स्कोल्या नौन्याळौं की परीक्षा नजीक,

हज्जी त्वैन भी मत्ति भरमाई बसंत।

विनीता मैठाणी

ऋषिकेश पौड़ी गढ़वाल उत्तराखंड