सीधी सैणी जिंदगी मा

 

गज़ल

*****

सीधी सैणी जिंदगी मा

सीधी सैणी जिंदगी मा,न क्वी घूम न मोड़ आई ।

तुम हिटौ जौं रस्तौं मा, हमन वो बाटो छोड़ द्याई ।।

मायादार दिन रुसैकि झणि कौं मुलक भाजिगीं ।

नि छौंप्याई वो बगत जो दौड़ ग्याई त दौड़ ग्याई ।।

बसगळ्या आंखि भिजणि रैं सौण-भादौ बणिकै । 

खुदेड़ जिकुड़ि हमन त दुया हाथुन निचोड़ द्याई ।।

हैंसदि आंख्यूं मा आंसु खुणै जरासि जगा राखि ।

बुरा दिनौ क्य भर्वसु, कब आंसु कूल तोड़ ग्याई ।।

दगड़्या छौ कि दुसमन समझि नि साका तुमथैं ।

मयल्दु माया तुमरि हथ ध्वैकि पिछनै पोड़ ग्याई ।।

आणा छन आणि द्यावा, जाणा ता जाणि द्यावा ।

भटुळि पराज खुद लगाणु अब हमन छोड़ द्याई।।

©® पयाश पोखड़ा 

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें