ढैय्यों ढैय्यों बाघ-Gharwali Poetry By Sudama Dobriyal

 

उत्तराखंड की लगूली

Published by बालकृष्ण डी. ध्यानी  · rpdStsneoo172049t 4c582ea1mi2tho0ua2i74l7itlrcOl9350c5h8b5 

ढैय्यों ढैय्यों बाघ

क्वलूणू क्वलूणू ढैय्यों ढैय्यों
बाघ मनखी कू द्वाप लग्यूं च
रस्तों रस्तों छवडी जो गोर
यो वूं गोरूं कू श्राप लग्यूं च

छीं भै यो पहाड भी अब त
पहाडियों कन गाल लग्यूं च
तिबरी डंडयली अब खाली हुयां
म्वारू कू द्वार मा ताल लग्यूं च

बाघ बाघ मनखी कू होइ त
खेती कू सुंगर काल लग्यूं च
ज॔गूलों ज॔गूलों ब॔धि जो गोर
यो वूं गोरूं कू पाप लग्यूं च

क्वलूणू पुंगडों ढैय्यों ढैय्यों
बाघ मनखी कू द्वाप लगूं च
रस्तों रस्तों छवडी जो गोर
यो वूं गोरू कू श्राप लग्यूं च

गौं भी कख अब गौं रेगी
बस द्वि चार ही मौं रेगी
यूमा भी छीं हिरका झिरका
अब लीणा का सौं रेगी

भितर छौं गुटयां जेल हुयूं च
स्यकूंद जो रैड गे वूं खेल हुयूं च
कसैयूं थे बैची छै जो गौमाता
वीं गौ मां कू फिटकार लग्यूं च

क्वलूणू पुंगडों ढैय्यों ढैय्यों
बाघ मनखी कू द्वाप लग्यूं च
रस्तों रस्तों छवडी जो गोर
यो वूं गोरूं कू श्राप लगयूं च

ये डोबरियाल की कलम से "असीमित"
©® सुदामा डोबरियाल
#सुदामा_डोबरियाल
#UKLaguli #indian #dhyanipoems #india #kumaoni #gharwalipoems #Poetry #worlpoetry #poems #Ghrwali #gharwali #instagram #Youtube #facebookpost #uttrakhand 

See less

— in India

All reactions:

51You and 50 others