हम भि -Gharwali Ghazal writer Payash Pokhada

गज़ल
*****
हम भि

रड़क्यां पाखा उजड़्यां पैरा ह्वै ग्यवां ।
हम भि ऐरा गैरा नत्थू खैरा ह्वै ग्यवां ।।

कळ्यज़ि की कचगा धै लगाणि छन ।
हम त आज फेरि हौरि गैरा ह्वै ग्यवां ।।

मुखड़ि्यूं फर मौळ्यार की खुसि मा ।
हम भि लाल पिंगळा  हैरा ह्वै ग्यवां ।।

अपण दां बयळु भि फूंजि ग्याइ झूट ।
हम त  सच  सुणद दां बैरा  ह्वै ग्यवां ।।

जाज़म बिछैकि दरी बिटौळदा रै ग्यौं ।
बिठांद बगत हम फुण्डै सैरा ह्वै ग्यवां ।।

© पयाश पोखड़ा

उत्तराखंड की लगूली