छन छन***Gharwali Ghazal written by Jagdish Garhwali Payash Pokhada

 

उत्तराखंड की लगूली

Published by बालकृष्ण डी. ध्यानी  · tsrdeopSonc8hiu5456mlu89i89hc7hf5f9h4u1gf11041i6tf29619fa36m  · 

गज़ल
*****
छन छन

म्यारा भि कन-कना मैंगा मनखि दिख्यां छन ।
जो अपणि चाडि कौड़ि्यूं का भौ बिक्यां छन ।।

छोड क्य मोल-तोल करणै अब मनख्यात को ।
जब मनख्यूं फरै मनख्यूं का भौ लिख्यां छन ।।

ल्वीठो अर चिपचिपो माटु च म्यारा मुल्का को ।
तबि त जलमभूमि मा म्यारा खुट्टा टिक्यां छन ।।

रस्ता-बाटों का ढुंगा-गारौंं पैड़ि ल्हे कभि-कभि ।
कुछेक आखर म्यारा खुट्टौं का भी लिख्यां छन ।।

अब कख बटेंद गौं-गळ्या मा भि पैंणै पक्वड़ि ।
बल अब त लोग बिरणु बांठु खैकै छिक्यां छन ।।

दोस किलै दीणा तुम नै छ्वाळि का छ्वारों थैं ।
जन तुमन अड़ाई-पड़ाई वो उनि सिख्यां छन ।।

सौं करार भी कतगा सौंगा-सस्ता ह्वैगीं "पयाश"।
यख त अपणि नेथ-कुनेथ मा सबि डिग्यां छन ।।

© पयाश पोखड़ा
#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India.