· "सिनक्वळि सि ऐगे"***Gharwali Ghazal written by Payash Pokhdal

 

उत्तराखंड की लगूली

Published by बालकृष्ण डी. ध्यानी  · StneprdosolO15gcclr93c54t4f80li1i1ta1b2tff6o15ia2cg050m85em  

 · "सिनक्वळि सि ऐगे"

***************
उन त रोज़-रोज़ लगद मिथैं तेरि खुद ।
आज तू याद ज़रा सिनक्वळि सि ऐगे ॥

रोज़ त तेरि खुद मा आंखि डबळ्यदिं ।
आज ज़िकुड़ि मा तिड़क्वळि सि ऐगे ॥

उन त दिनरात तेरि खुद मि दगड़ रैंद ।
आज खुद शांखि क्यूंकळि सि लगैगे ॥

सुबेर तेरि याद का खुम्का भ्वरिन पर ।
आज सींदी दां रीति अंज्वळि सि रैगे ॥

तेरि बिसरीं सि खुद फेरि याद ऐ ग्याइ ।
आज दगड़म क्वी मुंगफ्वळि सि खैगे ॥

तेरि छुंयाळ आंख्यूं कि मिठ्ठि छुयूं मा ।
आज खुद लड़बड़ि गुड़झ्वळि सि पेगे ॥

ज़िकुड़ि कि वाड़ि ख्वलिं राई त्वै खुणै ।
आज खुद त धध्वड़ी धुरप्वळि सि रैगे ।।

कब अछ्यांद खुदेड़ घाम ज़िकुड़ि मा ।
आज खुद घमझलि कुतग्वळि सि ह्वेगे ।।

स्वीणौं मा द्यख्दा रै वीं बांद थैं 'पयाश' ।
आज खुद काखम सिनक्वळि सि सेगे ॥


©®पयाश पोखड़ा

#पयाश_पोखड़ा #पयाश #kumaoni #worlpoetry #indian #Poetry #utter #UKLaguli #india #dhyanipoems #gharwalipoems #video #poems #Ghrwali #gharwali #instagram #Youtube #facebookpost #uttrakhand 

See less

— in India.