लाचार बुड्या–बुडली

 

उत्तराखंड की लगूली

Published by बालकृष्ण डी. ध्यानी  · oSporednst91AtcJu am819Mf:1li 0 n 8uma4468riy0u3a2tc0uaugu11  · 

लाचार बुड्या–बुडली

मुख मा यू उदासी बाबा बोलो बात क्या जी छ
उदासी छ कैका बाना ज्यु पराण राजी छ
राजी खुशी छू मी बेटा इन त कुई बात न
याद आणी गौ घरा की अपणा छोटा ऑगना
ऑगना मा पाली पौसी तू भी बेटा बडू ह्वे
ध्वै तपाई तेरी माँजी न अपणू खुटु खणु ह्वै
हरि खाई भुज्जी बेटा रोटी खाई कोदै की
गौडी़ छाई लैणी बेटा एक गिलास दूधै की
सुबैर उठिक जांदी छाई तेरी माँजी छानी मा
पौष की ठंड रैदी छाई सौल लगै कानी मा
हौल लगै पुगणु मा तैरी माँजी न गुडे़ कै
सिची सांची पूगुणु थै तब त बेटा दूणै कै
काम काज करि बेटा हरि भरी स्यारु मा
चांदी जन चमकदू छाई पाणी जब धारु मा
अब क्या बोलू और बेटा अब पराण रयु न
जै गौ घरा मा पाली पौसी वै तिबारी भूले न

© रेनू बिष्ट
गौ बागीधांर
सल्ट अल्मोड़ा उतराखंड
#रेनू_बिष्ट #पौड़ी_गढ़वाल #टेहरिगढ़वाल #कुमांऊ #uklaguli #posts #poet #kumaoni #worlpoetry #indian #Poetry #सल्ट_अल्मोड़ा #india #gharwalipoems #video #poems #Ghrwali #gharwali #instagram #Youtube #facebookpost #uttrakhand #बागीधांर 

See less

— in Uttarakhand