तेरा दगडा कु सारू***Ghrwali poem written by Pawan Pant

 

उत्तराखंड की लगूली

Published by बालकृष्ण डी. ध्यानी  · onSpdtersog 79 2ri6a51y0P6a5lggm 1h69 t6hM08Ja:53miulni8f3aa  · 

तेरा दगडा कु सारू

तरसणु छौं तेरा दर्शनों को
त्वे सुपन्यों मा खोज्याणूं छौं
टपराणूं छौं तेरी बाच सुनो कू
त्वे दगडी‌ ख्यालों मा बच्याणू छौं!!

तेरी माया मा‌ मोल्यार एगे छो
अब पतझड़ मा फुल सी सुखणूं छौं
अलझे गै छो त्वे पर लगुली सी
अब बथों मा ठंगरी सी टूटणूं छौं !!

तेरा दगड़ मा कभी आंखा नी खोली
बंद आंख्योंल तेरा पछने चलणूं छो
जुन सी छट छोड़ी गै तु बाटा मा
अब सैंणा मा भी नमडणूं छौं !!

तेरा दगडा मा माया न भरीयुं छो
अब रीती गागर सी बजणुं छौं
तु तो भागी उज्याडी गोर सी
मैं ज्युडा मा तेरी देंई समलोण बन्धणूं छौं !!

दगडा मा‌ कभी त्वे यकूली नी छोडी
छैलु बणीं त्वे सदाणूं रों
आज यकुली अंधेरा कुणां छों पडीयों
तेरी दगडा कु सारू खोज्याणूं छौं !!

तरसणुं छों तेरा दर्शनों कु
त्वे सुपन्यों मा खोज्याणूं छौं !!

पवन पंत
थलीसैंण ,ग्राम टीला
उत्तराखंड
#उत्तराखंड_की_लगूली
#पवन_पंत
#उत्तराखंड #poem #gharwal #uklaguli #twitter #youtube #utterakhand #post #facebook #reel #instgram #worlpoetry #indian #Poetry #थलीसैंण #UKLaguli #india #gharwalipoems #dhyanipoems #Ghrwali #gharwali #instagram #Youtube #facebookpost #uttrakhand_beauty #hindipoems #टीला 

See less

— in India