जैई***Grhwali Poetry wrote by Payash Pokhara Garhwali Gajal

 

उत्तराखंड की लगूली

Published by बालकृष्ण डी. ध्यानी  · opSeordtsnif4A38 631a106l  2f2 3ib5t58caa0:e3 54008cumcefta13,D9rteM5  · 

गज़ल
*****
जैई

पैलि तु खुंकरि म्यारा हथम थमै जैई ।
फेरि मिथैं तु खूब भलिकै अजमै ॥

सेळि पोड़ि जाव जो तेरि जिकुड़ि मा ।
जग्दा मुछ्यळोंल मिथैं छक्वै डमै जैई ॥

आला-अमलटा सि ह्वैगीं जो सौं करार।
एकदां हौरि हमरा खळ्याणम घमै जैई ॥

आंख्यूं मा वाया सि पोड़िगीं रुंदा-रुंदा ।
तु अपणो सौण भादौ थैं इनै समै जैई ॥

त्यारा बाना मि आगास भि खैंचि द्यूलु ।
हिकमत चा त चारेक गैणा लिमै जैई॥

मेरि धुरपळि का फटळा अभि नि राड़ा ।
दुदाळ गौड़ि सि चौक मा फेरि रमै जैई ॥

समळौण्यां मुखड़ि थैं दिखै जै 'पयाश'।
दाना सयणों कु दुर्बा आसीस कमै जैई ॥

©® पयाश पोखड़ा

#uklaguli #instgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India.