तू मैत न जा *****Grhwali Poetry wrote by Rahul Bhatt Bhupendra Dongriyal

 

उत्तराखंड की लगूली

Published by बालकृष्ण डी. ध्यानी  · dotsSnoerp0J14 4c97 8liu9yh58a0t0aa:0 7305iAu7M48 r35nu29481  · 

तू मैत न जा

तू मैत न जा,
हे मेरि कृसाण।
त्वीई मि त बसिदी,
म्यारा उडमिला प्राण।।
माना कि तू नाराज छै,
फिर भी मेरी बात सूण।
मैता कु ठाट-बाट से,
भलु च अपुणु रुवाटु-लूँण।
देख यो गरीब कु झालु,
मिल यखुली कनि कै छाण।
त्वीई मि त बसिदी,
म्यारा उडमिला प्राण।।

जणुदु छौं तू मैत जैकि,
माँ कु हथा कु दूध-घ्यू खैली।
अपणी माँ,पितजी मा,
अपुणु दुःख-सुख लगैलि।।
हे मेरि कृसाण,
त चखुली बणिक उड़िगे फ़्वीं।
अब यीं अजाण दुनिया म,
मि कैम लगों अपणी च्छवीं।
कनि कै सम्भलू या कुटुम्बदरी
कनि कै सम्भलू या धाण,
त्वीई मि त बसिदी,
म्यारा उडमिला प्राण।।

त्यारु बिना यो घार,
अब अपणु सि नि लगुंद।
त्यारा बाल-बच्चों दगड़,
मि यखुली नि रै सकुन्द।
घौर-बूण कि खैरि क बीच
त्यारु मुल-मुल् हैंसुण,
त्यारा दाँत-पाटि कु,
यो बिजली जनु चमकुंण।
अब चुकापट हुयूँ घौर म,
मील वख यखुली कनि कै जाण।
त्वीई मि त बसिदी,
म्यारा उडमिला प्राण।।

गढ़वळि काव्य संग्रह
(चिटमिलु आसमान)

लिख्वार-
©®- भूपेन्द्र डोंगरियाल
ग्राम-बल्यूली,
डाकघर-मरचूला
जनपद-अल्मोड़ा (उत्तराखण्ड)

#भूपेन्द्र_डोंगरियाल #पौड़ी_गढ़वाल #टेहरिगढ़वाल #कुमांऊ #uklaguli #posts #poet #kumaoni #worlpoetry #indian #Poetry #utter #UKLaguli #india #gharwalipoems #video #poems #Ghrwali #gharwali #instagram #Youtube #facebookpost #uttrakhand #himdipoems 

See less

— in Uttarakhand