पहाड़ बिक्यां छन पहाड़ मा ***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · sdetSonrop8622330ttear8600tmc 3gu284m2c044o1heh gmv98,Nlbt4l 

 · गज़ल

*****
पहाड़ बिक्यां छन पहाड़ मा

पहाड़ का पहाड़ बिक्यां छन पहाड़ मा ।
पहाड़ अभि तक टिक्यां छन पहाड़ मा ।।

पहाड़ हुयूं च पहाड़,बस पहाड़ का बाना ।
पहाड़ फर पहाड़ छिक्यां छन पहाड़ मा ।।

पहाड़ देखिक पहाड़ थैं रीस उठणि रैंद ।
पहाड़ जळ्तमार दिख्यां छन पहाड़ मा ।।

पहाड़ का कुहाल ह्यूंद-रुड़ि-बसगाळ ।
पहाड़ बारामास झिक्यां छन पहाड़ मा ।।

पहाड़ का खुट्टा पहाड़ मै छीं तंगत्याणा ।
पहाड़ रस्ता-बाटों डिग्यां छन पहाड़ मा ।।

पहाड़ कै-कै पहाड़ थैं समाळो-बिट्वाळो ।
पहाड़ का पहाड़ फिक्यां छन पहाड़ मा ।।

पहाड़ थैं पहाड़ भी अड़ै-पड़ै नि सकदा ।
पहाड़ त सबकुछ सिख्यां छन पहाड़ मा ।।

पहाड़ अर पलायन, परदेश अर 'पयाश'
पहाड़ अपणै नाम लिख्यां छन पहाड़ मा ।।

©® पयाश पोखड़ा
.
#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India.