चुनौ का चिनगरा***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · dSnotrpoes7h28gctu30uc7t7hm4a6u19hffcu685gahhctt3ttm8t02htf7  · 

चुनौ का चिनगरा

स्वागतम तुमरु स्वागतम,
ह्वै गैन पांच साल खतम ।
स्वागतम तुमरु स्वागतम ।।

धनभाग जो दरसन ह्वैन,
तुम लुक्यां छाया कखम ।
स्वागतम तुमरु स्वागतम ।।

ग्वरबट्टौ म हमथैं हकैकि,
हमथैं छोड़ि ग्यौ चौबट्टम ।
स्वागतम तुमरु स्वागतम ।।

टोप्ला बदलणा रौ सदनि,
अर दोष हैंका मुंड मथम ।
स्वागतम तुमरु स्वागतम ।।

सुणदा-सुणदा बैरा ह्वैग्यौं,
नेताजि तुमर झूटी कथम ।
स्वागतम तुमरु स्वागतम ।।

अपणि खुट्टि भुयां नि धैरि,
देखि कीच का लत-पतम ।
स्वागतम तुमरु स्वागतम ।।

वोट लिमाणा का बाना वो,
नचण लग्यां हथ हि हथुम ।
स्वागतम तुमरु स्वागतम ।।

अब सभि लोग समझिगीं,
कैल नि आणु तुमरि बथम ।
स्वागतम तुमरु स्वागतम ।।

©® पयाश पोखड़ा

#uklaguli #instgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India.

Edit

All reactions:

33You and 32 others