जवान उत्तराखंड Young Utterakhand Gharwali Poetry By Sudama Dobriyal

 

उत्तराखंड की लगूली

Published by बालकृष्ण डी. ध्यानी  · tresSnpdooa12h0 D7eP tfltmm7u a2b1e15a4mcM830831:m6,32rl aa10c e2c136  · 

जवान उत्तराखंड
*************
२० -२२ साल कू उत्तराखंड
कुछ इनु जवान होइगे।
कखि रव्वटी कू रूण हुयूं च
कखि धनवान होइगे।।

अलग राज्य बण छाइ यो
पहाड़ कू विकास खुणे।
अंध्यरा वूं डांडा कांट्यूं थै
उज्यालू रै-वास खुणे।।
रोजगार आलू यख शिक्षा ऐली
अब सब बीरान होइगे।
कखि रव्वटी कू रूण हुयूं च
कखि धनवान होइगे।।

फिर चल पलायन कू दौर
भागम-भाग ह्वै चारों ओर।
अब पहाड़ मा कुछ नी रख्यूं
मच हर तरफ यो शोर।।
पहाड़ियों की पहाड़ से घृणा
अर शहर शान होइगे।
कखि रव्वटी कू रूण हुयूं च
कखि धनवान होइगे।।

अब घार-घार मा राजनीति
तेरी अर मेरी आपबीती।
न अपडू-परया न स्वारू-भ्वारू
न कैकी यश न कीर्ति।
छूटदा गौं अर टुटदा पहाड़
वेप्रीत अब इंसान होइगे।
कखि रव्वटी कू रूण हुयूं च
कखि धनवान होइगे।।

२० -२२ साल कू उत्तराखंड
कुछ इनु जवान होइगे।
कखि रव्वटी कू रूण हुयूं च
कखि धनवान होइगे।।

मी डोबरियाल "असीमित"
©® सुदामा डोबरियाल
गौं जाख मल्ला
तहसील लैन्सडौन
पौड़ी गढ़वाल उत्तराखंड
उत्तराखंड की लगूली
UK Laguli
#पौड़ी_गढ़वाल #uklaguli #posts #poet #kumaoni #worlpoetry #indian #Poetry #utter #UKLaguli #india #gharwalipoems #video #poems #सुदामा_डोबरियाल #Ghrwali #gharwali #instagram #Youtube #facebookpost #uttrakhand 

See less

— in India.