कुच देर औरृ बैठ***Ghrwali poem written by Balkrisna D. Dhyani

 

उत्तराखंड की लगूली

Published by बालकृष्ण डी. ध्यानी  · ersooSpdtni2ti oe9N3m,02cf2l0i978umm00lc710ac3u84v0ri5aeb40   · 

कुच देर औरृ बैठ

कुच देर औरृ बैठ
अबि त उजाळु शेष छ
हमरा बिच्म

पराण मा
आखरोंकु जळदा क्वील झोळ
अबि त तेज होनि सुरु व्है छे
वैकिं चमकार म चमचमणा
अप्डी हैंसि ते
मिते देखण द्यावा जी

मि जनदु छो
झोळ औरृ तेज म
कैते बि टोके नि जै स्कद
भीत ते उब कण पड़द
यन भीत जू कैक ड्यार व्हैजा

कुच देर औरृ बैठ
द्याख उ डालों कि छैल बि
अबित उन्मा समै ना
औरृ एक-एक पात
छोड-छोडम मा द्यखणा छ

कुच देर औरृ बैठ
अप्डी हैँसि कि ईं तेज धार
रगों ते चिरि कि
म्यार पराण तक पौंछद्या
अर वै को चार हिस्सा कैर दयां
जै दग्डी अपड़ु एकुलांस
आखरोंकु जळदा क्वील झाळम मा
आस ते गळे -गळे कि
नाना परकैरे ढांचे उकेर कि
अर अपड़ु यखारुपन ते
तुम दग्डी चकदक कैरदें

कुच देर औरृ बैठ
अर एकटक मेर ओर देखा
कद्गा हिम में परि पोड़णि छ
ई तरई बुग्याळम
बथों बि कद्गा गुराणि छ
अर हर अपडों खुट्यू कु सोर म
वा कद्गा अपछ्यांण लड़णवाळी हुनि छ

कुच देर औरृ बैठ
इत्गा देर त जरूर छ
कि ज्ब तुम घोर पोंछिकि
अपडा कपड़ा उतारणा होळा
तबि एक छैल भीत म सटी देखसक्यां
अर वैते पछाण बि सक्यां

कुच देर औरृ बैठ
अबि त उजाळु शेष छ
हमरा बिच्म
वैते हटै जाण त दयँ
आखरोंकु जळदा क्वील परि
पोड़ण त दयँ
हवनकुंड लकड़ूं कि डेळ जनि
म्यारू एकुलांस
समरपित छ
खामोशि ते !

बालकृष्ण ध्यानी
#बालकृष्ण_ध्यानी
#उत्तराखंड #poem #gharwal #uklaguli #twitter #youtube #utterakhand #post #facebook #reel #intgram #worlpoetry #indian #Poetry #utter #UKLaguli #india #gharwalipoems #dhyanipoems #Ghrwali #gharwali #instagram #Youtube #facebookpost #uttrakhand 

See less

— in India.