हां भै हां !! ***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · neoorpSdstN,9ce 6210taluvm21m0c2i01g9tbem4 ai83ur820fio90i01  · 

हां भै हां !!
*******
बांजि पुंगड़ि खंद्वार कूड़ि द्यखणा छौ....
हां भै हां !!
खाली कीलू दौंळि ज्यूड़ि द्यखणा छौ....
हां भै हां !!
भकरभांण हुयां वुभरा भितरौं देखिक,
नै नै गजल छूड़ि निछुड़ि ल्यखणा छौ....
हां भै हां !!
दिल्लि द्यारादूणम बैठिक पलायन फरै,
अरसा पूड़ि पक्वड़ि भूड़ि स्यकणा छौ....
हां भै हां !!
खाळा-म्याळा कौथिग द्यखणक बाना,
फूंदा टिकुलि रिब्बन चूड़ि ट्यकणा छौ....
हां भै हां !!
राशना की लैन मा खड़ा हूणा खातिर,
हैळ बळ्द जुआ लठ्युड़ि फ्यकणा छौ....
हां भै हां !!
ब्वलणा खुणै त भौत कुछ ब्वलण चंदौ,
पर दिवल्यूं की छीं कंदूड़ि स्वचणा छौ....
हां भै हां !!
बरसि द्वादस ब्यौ बरत्यूं मा दिखे जंदौ,
ह्यूंद चौमास दगड़ि रुड़ि छ्यकणा छौ....
हां भै हां !!
चौमिन पीजा मैगी मोमो खाण गिजौ,
डूंड फ्वाळा बलड़ा बलूड़ि त्यगणा छौ....
हां भै हां !!
©® पयाश पोखड़ा

#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India.