किलै आंखि भिजिन, सुदि खांमखां ***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · dposSetron265r5o8hvf3etgc088e1126tmg4t4um8Nfa72aum 910 00b,l  · Delhi, India  · 

गज़ल
*****
किलै आंखि भिजिन, सुदि खांमखां

किलै आंखि भिजिन, सुदि खांमखां ।
किलै रात्यूंमा बिजिन, सुदि खांमखां ।।

कुएड़ि सि लौंकद खुद सर्र छंटै जांद ।
किलै जिकुड़ि लुछिन, सुदि खांमखां ।।

बिसरणो छाइ तिन फिर तेरि देळिमा ।
किलै घुंडा मुंड रिचिन, सुदि खांमखां ।।

सुबेरा को जयूं रुमकां घौर ऐ त जालु ।
किलै सब लोग पुछिन, सुदि खांमखां ।।

राड़ा ढुंगौं सि लोग प्वतरा ढुंगौं माया ।
किलै जिकुड़ि निछिन, सुदि खांमखां ।।

लोग सोचि समझिक डुबणा रंदि यख ।
किलै तिन हथ खैंचिन, सुदि खांमखां ।।

सुपिन्यौं दगड़ जीणा को ढब हूण चैंद ।
किलै उर्ख्यळौं थिचिन, सुदि खांमखां ।।

उच्छ्यदि फुलु का हाल चाल नि पूछी ।
किलै कांडौंम छिजिन, सुदि खांमखां ।।

मुलमुल हैंसि हैंसि भैर ऐ जंदिन आंसु ।
किलै त हैंसणु गिजिन, सुदि खांमखा ।।

जादा कैकि अंदळि नि लगदा 'पयाश' ।
किलै त्वै देखि खिजिन, सुदि खांमखां ।।

©® पयाश पोखड़ा
#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— at Uttrakhand.