हमरि तुमरि किलै ***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · dSrptooesn654uf,i0e0t23gm3m0c0ce594 r60tl20b u10l2gg31eDlti1  · 

गज़ल
******
हमरि तुमरि किलै

तुम थैं हैंसाणा की जुम्यवरि हमरि किलै ।
हम थैं रुवाणा की ठ्यकादरि तुमरि किलै ।।

बिसगि गैन त बिसगण दे हमरा आंसु थैं ।
पर ये बादळ बरखा बणदरि तुमरि किलै ।।

फटगरेणा छन त फटगरेण दे हमरा पराण ।
रुणपित हम छौं अर अंसधरि तुमरि किलै ।।

नि लगदा पराज त हमल जि क्य करणा ।
पर तेरि भटुल्युं दगड़ बेकदरि हमरि किलै ।।

तुम जिकुड़ियूं की जाजम नि ताड़ि साका ।
त तिबरी डंडळी अर नीमदरि हमरि किलै ।।

सुख्यरा दुख्यरा जनि भि सदनि खुश रवां ।
तुमरि तकणै तकणैंकि बराबरि हमरि किलै ।।

थोकदार ह्वैला त अफु खुणै ह्वैला "पयाश"।
तुमरा बांजा पुंगड़ो मा जिमदरि हमरि किलै ।।

©® पयाश पोखड़ा

#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in India