तुमरि सिधन्त ?Grhwali Poetry/Garhwali Gajal wrote by Payash Pokhara

 

उत्तराखंड की लगूली

बालकृष्ण डी. ध्यानी ने प्रकाशित किया  · 1 घंटे  · Pauri, उत्तराखण्ड, भारत  · 

#गढवालिम_गजल

तुमरि सिधन्त ?
**************
सर्या ज़िदंगि बस घाम पाणि की सिधन्त चा |
सुपिना दगड़म स्याणि गाणि की सिधन्त चा ||

सुदि लिमाणा छन सबि चखुला आगास थैं |
चोळि की बस पाणि-पाणि की सिधन्त चा ||

इनै नै-नै ब्योली दुवरु बाटु भि नि भ्यटे साकी |
उनै झणि कनै सासु जिठणि की सिधन्त चा ||

स्यळै गैन चौका-चुला फ्वाड़ौ का कब बटैकि |
शर्यूळजी की बस पव्वा पाणि की सिधन्त चा ||

खाळा म्याळा कौथिगौं का कौथिगेर कख गैनि |
अब कौथिगौं मा बौंळि बिटाणि की सिधन्त चा ||

सग्वड़ि पत्वड़ि पुंगड़ि सबि बांजि प्वड़ि छन |
बस दुकनि की ल्याणि खाणि की सिधन्त चा ||

ब्वै थैं बुथ्याणौं अचकाल गौं अयूं च "पयाश"|
टक लगै वैकि घ्यू की माणि की सिधन्त चा ||
©® पयाश पोखड़ा
पौड़ी गढ़वाळ उत्तराखंड भारत
#uklaguli #instgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #पयाश #posts #poet #indian #Poetry #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

कम देखें

— उत्तराखंड की लगूली में प्रेरित महसूस कर रहे हैं.