म्यारू गौं

 

 उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

म्यारू गौं

 

म्वार्यूं सी गुमणाठ कनू च म्यारू गौं ।

झिलमिल झिल झिमलाठ कनू च म्यारू गौं ।

बंद द्वार अर मोर खुल्यां देखि,

प्वथळ्यूं सी च्वींच्याठ कनू च म्यारू गौं ।

म्वार्यूं सी गुमणाठ कनू च म्यारू गौं।

जगदि ह्वयां छन तिबरि डिंड्यल़ि सब,

देखी की चचऴाठ कनू च म्यारू गौं ।

म्वार्यूं सी गुमणाठ कनू च म्यारू गौं ।

आंखा दिखाणू रोष जताणू,

अपणौं फरि च गोस दिखाणू

गदनौ सी घमघ्याठ कनू च म्यारू गौं।

गुस्सा ह्वै धमध्याठ कनू च म्यारू गौं।

नौनी नौना रंगमत घुमणा,

रंगमत ह्वै फफराठ कनू च म्यारू गौं ।

म्वार्यूं सी गुमणाठ कनू च म्यारू गौं ।

कुरोना रै त्वै स्यवा मि लांदु , किलै की

ऐंसू ह्वयूं आबाद जरा फिर म्यारू गौं।

म्वार्यूं सी गुमणाठ कनू च म्यारू गौं ।

हां म्वार्यूं सी गुमणाठ कनू च म्यारू गौं ।

झिलमिल झिल झिमलाठ कनू च म्यारू गौं ।

 

विवेकानंद जखमोला शैलेश