डांड्यूं का पार

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

डांड्यूं का पार

 

डांड्यूं का पार देखा हपार,

मुल हैंसि द्यखणू सूरिज बार-बार।

आवा रै देखा रौंतेळू पहाड़,

बोण बुग्या़ळ हैरी भैरी सार।

                        घिंडुड़ी घुघूती बसणी थाड़ौं मा,

                         औ दगड़्या आ म्यारा पाड़ौं मा।

                          मिटि जाली तेरी पळेख दिदा,

                          ऐकी त देख जरा एक बार।

चौछोड़ी फूल खिल्यां छन डांडौं मा,

घ्वीड़ काखड़ छन  बैठ्यां चांठौं मा ।

गौड़ी बाछ्यूं कि लगीं लंगत्यार,

बखरा ढ्यबरौं कि देख टोली हपार ।

                तामै तमोळी कू ठंडु पाणी पेजा,

                 छोया मंगर्यूं कू मिट्ठु पाणी पेजा।

                   बांजै जड़्यूं की रसिलि रसधार,

                   घैंणी कुळैयूं की ठंडी फुहार।

 

©®विवेकानंद जखमोला शैलेश