हिन्दी । गढ़वाली । कुमाउँनी । गजल । अन्य । कवि । कवयित्री । लेख ।
उत्तराखंड टूरिस्ट प्लेस छू ये लिजी वां अब सब तरीको को भोजन सीखण को ज़रूरी है ग्यो छ।गुजराती खांडवी
सौमान
एक कप बेसन, एक कप मठ्ठा, एक कप पाणि (माप ले),1 चम्मच हल्द
नमक स्वादानुसार,बघार लिजी( तेल, राई,सफेद तिल, करी पत्ता, हरीं धणि, हरीं मिर्च, नारियलक कद्दूकस करभे)
तरीक
एक कप बेसन, एक कप मठ्ठा, एक कप पाणि (माप ले)वी में हल्द,
नमक डाल भेर एक दगड़ ब्लेंडरेल खूप घ्वेट लिया।
एक कढ़े में डाल भेर हल्की आंच में हलाते रवो। हलाते रवो
जब तक गाढ़ न है जवो। गुठयाल नी पड़न चैनी ये लिजी डाडुल चलाते रवो। अब या तो थाई उल्ट
कर भेर या फिर प्लेटफार्म के एकदम साफ कर भेर वी में एक डाढ़ घोल डाल भेर तुरन्त वी
ढाढ़ ले उकें लम्ब- लम्ब फैला दिया जस चित्र में देखना छा। थोड़ देर ठंड हई बाद विकें
एक तरफ बिटी गोल गोल मोड़ते हुए एक तरफ कर दियो। अब विकें चाकू ले काट भेर टुकुड़ कर
लियो। अब बघार लिजी तेल गरम करो। वी में राई, तिल, हरीं मिर्च, करी पत्ता डाल भेर खांडवी
ऊपर भरभरा दियो। अब हरीं धणि हौर नारियल कद्दूकस कर भेर परिसी दयो।
नोट :- कसे पत्त चलूँ कि घोल तैयार है ग्यो? एक चम्मच घोल उल्टी थाई में डाल भेर फैलाया। ठण्ड
हुन बाद एक तरफ बिटी रोल करया अगर रोल हुन लाग रौ तो समझ्या घोल तैयार छू रोल बन्युने
लिजी।
सुमीता प्रवीण
मुंबई
संदेश
0 टिप्पणियाँ