अल्लू की थिंचोणी अर भात

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

"अल्लू की थिंचोणी अर भात, अजी क्य बात!"

संकलन -  जितेन्द्र राय 

अल्लू की थिंचोणी बणाणे कि विधि/व्यून्त।

द्वी खंदेरूं वास्ता।

सामान-

लासण- 1 ढिंडी,प्याज- 1बड़ी सी दाणी,टमाटर- 1,अदरक,,हैरू धन्या,

अल्लू- 300 ग्राम,लूण,हैरी मर्च, लाल मर्च पाउडर,राडू/सरसों कु तेल, हल्दी,

सब्जी मसाला।

विधि/ व्यून्त-

सबसे पैली सिलोटा म अल्लू अच्छी तरे से थींच दियाँ।

अदरक, लहसुन, हैरी मर्च कु सिलोटा या मिक्सी म पेस्ट तैयार कर्यां। भदेली/ कढ़े म तेल गर्म कर्यां अर वे म तब बरीक कट्यां प्याज कु छौंक लगयां। एक चम्मच लूण/ नमक डाली के प्याज गुलाबी हूँण तक पकयां। एक टमाटर काटी के तब कढ़े म डाळी दियाँ अर कढ़े कै थकुला/ प्लेटन ढकी की हल्की आँच म 3 मिनट पकण दियाँ।

ढक्कण हटे कि तब वे म हल्दी, सब्जी मसाला, थोड़ा सी लाल मिर्च पाउडर मिले कि करछी ल खरोल्यां। वेक बाद थिंच्यां अल्लू बी डाली दियाँ। कुछ देर करछी चलोंदी रयाँ।

 500 एम एल पाणी मिले के 15 से 20 मिनट तक हल्की झौल/आँच म पकण दियाँ। पकणा क बाद वेमा बरीक कट्यों हैरू धन्या डाली दियाँ।

सुस्वादि थिंचोणी तैयार च ।

 भात दगड़ खावा अर ख़िलावा।

जब कै फर बिजाम गुस्सा ऐ जाओ त वै दिन वे क बजाय अल्लू की थिंचोणी जरूर बणया।

Copyright @ जितेन्द्र राय