हिन्दी । गढ़वाली । । गजल । अन्य । कवि । कवयित्री । लेख ।
उत्तराखंड देवभूमि I अनछुई सी तृप्ति
I ढुंगा - गारा I आखर - उत्तराखंड शब्दकोश I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें
बचणा छवां न म्वरणा छवां हे जिंदगि
बचणा छवां न म्वरणा छवां हे जिंदगि ।
त्यारु जुरमनो भ्वरणा छवां हे जिंदगि ।।
दिनमान कतगा डैर अर दैसत हुईं चा ।
जितणा छवां न हरणा छवां हे जिंदगि ।।
कन घतासरि लगीं छन गैणि ल्हे जरा ।
देखि-देखि हर्बि डरणा छवां हे जिंदगि ।।
सब झूटा आखर छप्यान अखबार मा ।
ये पैड़ि कै क्य करणा छवां हे जिंदगि ।।
सांस सस्ति हवा मैंगि ह्वैगी अजकाल ।
तैभि सुसगरा भ्वरणा छवां हे जिंदगि ।।
कनै सिस्त तेरि कनै सिसाद लगीं चा ।
द्यखणा छवां ह्यरणा छवां हे जिंदगि ।।
देळि उगड़ि न खुट्टि भैर धैरि 'पयाश' ।
बुरा बगत थैं स्वरणा छवां हे जिंदगि ।।
©® पयाश पोखड़ा
संदेश
0 टिप्पणियाँ