हिन्दी । गढ़वाली ।
। गजल । अन्य । कवि । कवयित्री । लेख ।
उत्तराखंड देवभूमि I अनछुई सी तृप्ति I ढुंगा - गारा I आखर - उत्तराखंड शब्दकोश I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें ।
आंखि-आंख्यूं मा सानी ह्वैगीं
आंखि-आंख्यूं मा सानी ह्वैगीं ।
माया की मयल्दु गाणी ह्वैगीं ।।
आंख्यूंल आंख्यूं थैं पछ्याण ।
मुखड़ि देख कन भानी ह्वैगीं ।।
नजर की ढाळ-पंदाळ जाणि ।
शरमल वो पाणि-पाणी ह्वैगीं ।।
रतन्याळि आंख्यूं को उजाळु ।
औंस्या राति भि स्वाणी ह्वैगीं ।।
जब बटै भेंटाई छौं तुम दगड़ ।
स्वीणौं मा आणि-जाणी ह्वैगीं ।।
मिठ्ठा किशर्ण्यां बोल छन तेरा ।
सब्द-सब्द घ्यू की माणी ह्वैगीं ।।
क्युंकळि कादै सि जिकुड़ि मा ।
मायादार छुयूं की स्याणी ह्वैगीं ।।
©® पयाश पोखड़ा
संदेश
0 टिप्पणियाँ