*गाँठु*

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

विधा अतुकान्त

*गाँठु*

*छ त तिसुता काला धागा,*

*पर बंध्यूँ च गाँठु!*

*कंडली का पत्ता म बैं खान्दा,*

*कु राखु मंतरी की रौखली!*

*मंतरी लौंग सुपरी, चंदरोली*

*हाथी दाँत, सुंगरा लटुला!*

*से बणदु छो यु गाँठु*

*नजर, बथों, हंकार, फिंकार,*

*अला बला, रौल बौल!*

*हाक, दाग़, खलयूँ, घुस्यूँ,*

*छैल, छिद्र, अंच्छरी, रुक्मणि!*

*अयेड़, डागण, छाया, मसाण,*

*शैद, रैम, भूत, पिचास, गस!*

*सब भगै दींदू छो यु गांठु*

*ढूंढप्रयाग म छाया पुजणु,*

*बक्यों म नवारा लेकि बाक़!*

*बुलाणु जा चा न जा,*

*धार, गाड़, गदिना, चौबट्टीया!*

*पुजण म मैर मारा या छोड़ा,*

*कुछ भी कैरा चा नी कैरा!*

*अर योक गाँठु शाबरी म,*

*मंतरे की गौला ऊँदु पैर द्या!*

*जु धार केर, शिकार,शराब कु,*

*पौ परेज कैर द्या त!*

*सब अला बला अफ दगड़ी,*

*लीजांदु छो यु गाँठु!*

*केवल गाँठु नि छो यु,*

*य छै मनखी का विश्वासै, आसै पुड़िया!*

*सब दुख बिमारी भगे दींदू छो यु गाँठु!*

*ओ पी पोखरियाल*