किलै न?

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें   

  

किलै न?

--------------------------------------------

ज़ब, ब्वलदरा गढ़वाळि

अर, सुणदरा गढ़वाळि

तब, गढ़वाळी मा भयों

तुमारि बाच किलै न?

ज़ब, पढ़दरा गढ़वाळि

अर, लिखदरा गढ़वाळि

तब, गढ़वाळी मा चुचों

तुमारि बात किलै न?

ज़ब, कमोदारा गढ़वाळि

अर, समोदरा गढ़वाळि

तब, गढ़वाळमा दिदों

काम-काज किलै न?

ज़ब नेता गढ़वाळि

वोट देंदा गढ़वाळि

तब, गढ़वाळमा ह्वोंणु

बिकास किलै न?

ज़ब, ह्वोंदा गढ़वाळि,

नौ कमोंदा गढ़वाळि

तब, गढ़वाळमा गढ़वाळी

समाज किलै न?

ज़ब, माटी गढ़वाळि

हमारि थाति गढ़वाळि

तब, गढ़वाळि.....

रीति-रीवाज किलै न?

ज़ब, ल्हेँदा गढ़वाळि

खांदा-प्यंदा गढ़वाळि

तब, गढ़वाळो

सो-सवाद किलै न?

ज़ब, दे-दादा गढ़वाळि

ब्वे-बाबा गढ़वाळि

तब, गढ़वाळमा

गढ़वाळी औलाद किलै न?

ज़ब,सोंदा गढ़वाळी,

चुप्प रोंदा गढ़वाळी,

तब गढ़वाळमा गढ़वाळी

आवाज़ किलै न?

ज़ब, माटु गढ़वाळि

हमारु बाटु गढ़वाळि

तब, गढ़वाळमा हमारु

भू-कानून किलै न?

ज़ब सासु गढ़वाळि

बेटी-ब्वारी गढ़वाळि

तब, गढ़वाळमा गढ़वाळी

पछ्यांण किलै न?

ज़ब, या जात गढ़वाळि

स्या जात बि गढ़वाळि

तब, गढ़वाळयों मा

गढ़वाळी ही जात किलै न?

- गीत

गीतांशु कप्रवान "गीत"

@सर्वाधिकार सुरक्षित!@

बालकृष्णा डी. ध्यानी  
#उत्तराखंड की लगूली #उत्तराखंड_की_लगूली