*हथकरघा*

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

 *हथकरघा*

पैल्या जमाना म हथकरघा उद्योग छा,

हाथ ऊन कतण म व्यस्त रैंदा छा!

हाथ दन बुणण म, ज्यूड़ा बोटण म,

सट्टी कुटण म व्यस्त रैंदा छाई!

और कुछ न त ग्यूँ छछ्योण,

सट्टी मँडई, दौ कुटाई!

मंदरा बुणण म, य जंदरा चलौणम,

नथर चिट्ठी लिखण म व्यस्त रैंदा छाई!

नई कखड़ी, गोदड़ी की नै नवाण,

अर हैरी हैरी ऊमी भड़्यांण!

चुला खांदा बैठी की छवी बता लगाण,

खाजा बुखणा, अर भट्ट भुज्याण!

पर हैरे जमना कन समौ आया,

अब मुबैल ही हथकरघा ह्वे ग्याई!

कांडा लगिनी ये मुबैल पर,

जैल सब धाणी खयेनी!

मुबैल ल रस्ता खैनी, रिश्ता खैनी

चिट्ठी खैनी, पतरी खैनी!

टीवी खैनी, बीबी खैनी,

बच्चा खैनी परिवार खैनी!

@ओ पी पोखरियाल