उत्तराखंड की लगूली
उत्तराखंड देवभूमि I अनछुई सी तृप्ति I ढुंगा - गारा I आखर - उत्तराखंड शब्दकोश I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें
ऐजा अब…ऐजा
गज़ल
ऐजा अब हवा पाणि बदळणा को ऐजा ।
ऐजा अब राजा राणि बदळणा को ऐजा ।।
थकि ग्यवां छुयांळु दगड़ा हुंग्रा दींदा दींदा ।
ऐजा अब कथा काणि बदळणा को ऐजा ।।
जमना मा बौलु भुर्तु मीनत मजूरी हर्चिगे ।
ऐजा अब धाणि पाणि बदळणा को ऐजा ।।
कुट्बक्या रमछोळ मा बचन मरैणा छन ।
ऐजा अब बाच बाणि बदळणा को ऐजा ।।
स्वाणि कुस्वाणि तिड़बज्ञां शकल अकल ।
ऐजा अब भौउ भाणि बदळणा को ऐजा ।।
आबत अस्नौ अपणा पर्यौ कख दिखेंदिन ।
ऐजा अब आणि जाणि बदळणा को ऐजा ।।
बांजि पुंगड़िम चार्याल अपणो ल्वै पस्यौ ।
ऐजा अब खैरि खाणि बदळणा को ऐजा ।।
सुपिन्यौं का भर्वसा कख चलदिन जिंदगि ।
ऐजा अब साणि गाणि बदळणा को ऐजा ।।
दरद पिड़ा का दूण भ्वर्यान जिकुड़ियूं मा ।
ऐजा अब पाथु माणि बदळणा को ऐजा ।।
परदेस की खटै मिठै यख भि मील जांद ।
ऐजा अब लैची दाणि बदळणा को ऐजा ।।
©® पयाश पोखड़ा
संदेश
0 टिप्पणियाँ