सुरक सुरक देखा त

 

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें    

बालकृष्णा डी. ध्यानी 

सुरक सुरक देखा त

गीत शैली

सुरक सुरक देखा त पूस जाणु ले गे,

ह्युंदै की कँकोर भगाणु -2

मौ भी आण ले गे।

सुरक सुरक...............

(१)

ठण्डो पाणी, ठण्डी हवा, ह्युंद की टटकार,

भैर बरफ, भीतर धुँआ, द्वितरफा मार,

ह्युं पोड़ी हिंवाळी काँठी - 2

उदंकार ह्वे गे।

सुरक सुरक.................

(२)

चा की कितली चुलु भितर, छुयूँ की छरोळी,

अल्लु भुटणा खाजा भुजणा, खरोळी खरोळी।

चाणा, भट्ट, ग्यों तिलों की -2

कन रस्याण ऐ गे।

सुरक सुरक..................

(३)

गीत झुमैलो, रांसो, तांदी, थड्या गीत गाणा,

ब्याखुनि चौक थाड़ा मा, चौंफला लगाणा।

बाजू बन्द, पण्डों नाच -2

की बहार ऐ गे,

सुरक सुरक..................

©®अंजना कण्डवाल 'नैना'