*जिंदगी*

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

 *जिंदगी*

*उकाल काटी सरबट सौंगी ह्वे गि जिंदगी,*

*उँदार म उन्दू उन्दू जांदी रै जिंदगी!*

*खैरी का औला खैकी कन स्वाणि ह्वे जिंदगी,*

*नथर काचा टीमाटर सी टटमोरया सी हुइं छै जिंदगी!*

*एक हैंकै खैरी बिपदा म काम आवा त,*

*बुरांस काफल जन रसीली ह्वे जाली जिंदगी,*

*मुक फरकै की राखी छो जब तलक लोखू से,*

*पिण्डलू सी कलकल्याण ह्वे जिंदगी,*

*दियू बती बणि जगण पोडलु त्वे सणि,*

*बग्वाल जन उज्याली ह्वे जाली जिंदगी!*

*सोच विचार साफ राखा तुलसी जन,*

*त बिन्सरी जन स्वाणी ह्वे जाली जिंदगी,*

*अपड़ा देश समाज का वास्ता जील्या त,*

*मोना बाद अमर ह्वे जाली जिंदगी,*

*@ओपी* 

ओ पी पोखरियाल