ऊ च परमात्मा

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

ऊ च परमात्मा

ऊ फूल फुलां दु मा रेंदु

हम कण्डा बिराणा मग्न

वैकि बेल बेल मा छ शिक्षा

हमरि बुद्धी पुरि नग्न

ऊ हैंसी पसरयां दु रेंदु

हम आंसू खरचि कि लेंदा

वैक उजाळ हर औरि भेंटि जांद

हम बाटा चुक दा रेंदा

ऊ सुख उधाळण मा रेंदु

हम दुःख गोळा करदा रेंदा

ऊ हिमाळ जणी चम चम दु

हम अंधारा दग्डी टम टम दा

ऊ हर मनखी मनखी का मन मा

हम वैते ढूँगा ढूँगा मां पूजदा रें दा

ऊ जन्मयूं बाळ सरीर मा विचरदूं

हम वैते पाप कैरि कैर मा फेंकदा

ऊ हर स्वांसा कु असीस छ

हरेक जिब -जंतु वैकु रंग मा

हर जिब ते तू बचा वैकू एक मंत्र

हम मिट मॉस खाणा मां रैंद दंग

ऊ ज्ञान कु प्रचार प्रसार कर दु

हम बुद्धी ह्वैकि बि अँगठ छाप

ऊ अंजळ भोरि कि लक्ष्मी देणु

हम गुनि गुनि भोरि मांगदा रेंदा

ऊ सुर लगाणू रेंदु प्रकृति दग्डी

हम संगीत दग्डी लय बद्ध ना होंदा

ऊ जिबन कु हर पैलु चमकाणु

हम तरी माधवसिंग भंडरी ना बणदा

ऊ च एकमेव अनंत शक्ती

हरेक जिकुड़ि कि ऊ आत्मा

ऊ च उजाळु ऊ च अंधारु

ऊ च महात्मा, ऊ च परमात्मा

स्वरचित

सादर

© बालकृष्ण डी. ध्यानी

बालकृष्णा डी. ध्यानी