स्वीलिपिड़ा पहाड़ की

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

स्वीलिपिड़ा पहाड़ की

*******

बस पहाड़ जणद स्वीलिपिड़ा पहाड़ की ।

भाजिगीं सबि अपणा जलुड़ा उपाड़ की ।।

तैळ्या मैळ्या पाळि का दांत निखोळिगीं ।

ख्वळा गिच्चम जगा नि अकल दाड़ की ।।

ससोड़िगीं यख पाणि अर रुंगड़िगीं हवा ।

निख्वर्या किस्मत च यख चौक थाड़ की ।।

फूल पत्ति डाळि सदनि हैरि भैरि नि रैंदी ।

कभि त खुद लगलि यों जलुड़ा जाड़ की ।।

बिरै-बिरैकि लूछिगीं जो म्यारा ढुंगा माटू ।

चौखळ ताड़ि बत्था करणा घेर बाड़ की ।।

रुंदा नि देखु पर कैल हैंसदा भि नि द्याखु ।

कैम बताण जिकुड़ि फर लगीं लताड़ की ।।

©® पयाश पोखड़ा 

(संशोधित 2023)