तुमरि बात होलि

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें 

गज़ल

तुमरि बात होलि

बादळु दगड़म जब-जब तुमरि बात होलि ।

बादळु का डिस्याणम झरझरी गात होलि ।।

पिरोळ जिकुड़ि की आग सुलगणि च जो ।

बरखदा बादळु दगड़म सुहाग रात होलि ।।

चाल जन चमकणि च माया हमरि तुमरि ।

जरा खरेंण दे सरग जरुर मुलाकात होलि ।।

जरा ठसोळणा की देर च फट्ट फुटि जाण ।

थमेंणु नि मेरा आंसुल इनि बरसात होलि ।।

अब नि डरदा हम बादळ बरखा पाणि से ।

तेरि धम्यलि खुलकै चांदण कनात होलि ।।

चल खेलि आ ह्वळि धणांस पर दगड़्या ।

जुन्यळि जून दगड़ गैणौं की बरात होलि ।।

अगासा को ढकीण ल्हेकि सुनिंद से जैई ।

अब छुयूं की रमछोळ भोळ परबात होलि ।।

©® पयाश पोखड़ा