*****
अर तुम ।
बादळ बरखा बणदरि अर तुम ।
भटुळि पराज अंसधरि अर तुम ।।
समळौण्यां भि बिसरौण्यां ह्वेन ।
ब्यखुनि फजल द्वफरि अर तुम ।।
हवा बथौं दगड़ उडणी रैंद खुद ।
दुशालु खंड्यला चदरि अर तुम ।।
यखुुलि जग्वाळ अर उदसीं खुद ।
छज्जा डंड्यलि तिबरि अर तुम ।।
माया का निसाब मा क्वी नि ऐ ।
मुन्सिफ सबूत मुखबरि अर तुम ।।
तुमरि याद बिटोलिक देखि याल ।
आफत दिकत दिकदरि अर तुम ।।
सर्या जिंदगि नि मील 'पयाश' थैं ।
समय समझ समझदरि अर तुम ।।
©® पयाश पोखड़ा
संदेश
0 टिप्पणियाँ