औळण्या अणब्वळ्या

 गज़ल

*****

औळण्या अणब्वळ्या

औळण्या अणब्वळ्या चिताणा छन |

हमथैं वो गंगड़ग्वळ्या बताणा छन ||

खिकरण्यां ह्वैकि छंग छिंगुरेणा छन |

हमथैं भारि मरख्वळ्या बताणा छन ||

सळ्या-पळ्या छन जो साक्यूं बटैकि |

हमथैं खालि बंसत्वळ्या बताणा छन ||

निखुळदरा दांत छन द्विया पाळ्यूं का |

हमथैं छैंदा दांतु ख्वळ्या बताणा छन ||

बिरणि धुरपळि घंट्याणा रैन सर्या राति |

हमथैं रात्यकु ढुंगु ढ्वळ्या बताणा छन ||

नौणि की गुंदकी घळ्ळ घूळि गैनि जो |

हमथैं बासि छांछ छ्वळ्या बताणा छन ||

जून थैं लिमाणा रंदि जो चुंगन्याणा को |

"पयाश" थैं वो बड़ब्वळ्या बताणा छन ||

©® पयाश पोखड़ा

उत्तराखंड की लगूली

हिन्दी   ।  गढ़वाली ।  कुमाउँनी  ।  गजल  ।  अन्य  ।  कवि  ।  कवयित्री  ।  लेख  ।

 उत्तराखंड देवभूमि  I अनछुई सी तृप्ति  I  ढुंगा - गारा  I  आखर - उत्तराखंड शब्दकोश  I उत्तराखंड I गढ़वाली शब्दों की खोज I कुमाउनी शब्द संपदा I उत्तराखंडी यू ट्यूब I  कवितायें I कुमाउनी शब्द संपदा I उत्तराखंडी यू ट्यूब I उत्तराखंड संस्कृतिI कवितायें