"मुण्ड रौंपा रौंप"***Grhwali Poetry/Garhwali Gajal wrote by Payash Pokhara

 

उत्तराखंड की लगूली

Published by बालकृष्ण डी. ध्यानी  · sepordnSot0f9a3uNl9051tvcr9m08bo4g f24u e2f68076l88em2f2,1mf  · 

"मुण्ड रौंपा रौंप"
**************
मेरा सर्या गौं मा डिल्लि भजणा की चौंप हुईं चा ।
ये डारा को तिबरि-डंडलि मा कौंपा-कौंप हुईं चा ।।

कूड़ि पुंगड़ि कैका भर्वसा रालि, छ्वाडा ना तुम ।
दौड़िगीं क्वी छोड़िगीं यख त छौंपा-छौंप हुईं चा ।।

लकदक नारंगी की डालि को क्वी सैं गुसैं नि रायु ।
बस एक दाणि का बाना यख लौंपा-लौंप हुईं चा ।।

पन्द्यरौं को पाणि सुदि जखि-तखि खत्येणु चा ।
कटगड़ा लोग की डिल्लि मा धौंपा-धौंप हुईं चा ।।

नि सुण्यां कभि क्वी भुक्कि म्वार म्यारा गौं मा ।
किलै निरदया डिल्लिम मुण्ड रौंपा-रौंप हुईं चा ।।

©® पयाश पोखड़ा

#uklaguli #intgram #उत्तराखंड #facebook #reel #youtube #twitter #blogger #utterakhand #shorts #post #gharwal #poem #पौड़ी_गढ़वाल #उत्तराखंड_लगूलि #उत्तराखंड_लगूलि #पयाश #posts #poet #indian #Poetry #utter #UKLaguli #Ghrwali #gharwali #instagram #Youtube #facebookpost #uttrakhand #पयाश_पोखड़ा 

See less

— in World.